中環出更：頻食螺絲 金刀梁唔啱拍片
政改宣傳短片《來自普選的理》已推出一段時間，但短片主角人選似乎後勁不繼，第四集已經要搵到公職多多嘅標準工時委員會主席梁智鴻（金刀梁）亮相，主講特首雙負責制。不過，金刀梁在段片中表現生硬，又講到翹晒手，兼且頻頻食螺絲，解釋唔係好清楚，似乎佢都係適合揸手術刀多啲。
政改宣傳講特首條件
金刀梁喺片段中話，特首擔任香港同中央之間嘅橋樑，除咗要向香港特別行政區負責外，亦要對中央政府負責，包括要處理中央授權的事務，之後又提及特首要愛國愛港等等。金刀梁最後又語重心長咁話，特首候選人要有清晰嘅願景、工作能力同領導才能，咁先可以做好佢嘅工作。特首要有領導才能都要講？乜唔係必備條件咩？
卓妮