屈地街違泊 市民過路心驚
「又電單車又貨VAN，仲有私家車，咩車都齊晒，唔講仲以為呢度係停車場！」李先生於西營盤工作，發現不時有司機於屈地街違例停泊，車輛駛入行人路時更會人車爭路，威脅市民安全，「啲車喺行人路度橫衝直撞，話唔定有一日會畀佢哋撞到！」
「問題持續多年」
警方發言人指出，一直關注涉事路段的違泊問題，已不時派員巡邏。根據紀錄，今年首三個月已發出三十二張定額罰款告票及十九個口頭警告。發言人承諾將繼續留意有關情況，並於適當時採取執法行動。
李先生要求警方嚴加執法，以杜絕車輛駛上行人路違例停泊，令市民過路時毋須再提心吊膽，「其實個問題已經持續咗好多年，口頭警告啲司機咪行個圈就返嚟，警方應該多啲出告票先有阻嚇力！到真係改善咗，先酌情處理都未遲。」