曾鈺成亂切線撞車
立法會主席曾鈺成「唔小心」切線，凌志撼平治車身毀容。曾鈺成前晚駕駛簇新的凌志房車，載着妻子返回馬鞍山寓所，途至大老山隧道沙田出口近石門時，疑因落雨影響視野，他欲切線時突然撞向左線一輛平治房車，幸雙方及時煞車，未釀成嚴重事故，兩車車身均被刮花，無人受傷。警方接報趕至，正調查是否有人違反交通規例，案件交由新界南交通意外調查組跟進。曾鈺成回應本報記者查問時稱：「嗰陣落緊雨，我唔小心呀、冇留意呀，冇留意左線嗰架車呀……」
肇事凌志GS250型號黑色房車，乃曾鈺成去年十二月底以約四十五萬元買入。前晚九時許，六十六歲的曾鈺成駕駛凌志房車，載着妻子經大老山隧道回帝琴灣寓所，當房車駛出管道，沿大老山公路向馬鞍山方向行駛，駛至近石門工業邨附近，曾擬由中線切向左線，疑未留意一輛由四十四歲男司機駕駛的平治房車沿左線駛至，雙方發生碰撞。兩車車身均損毀，驚動警方到場調查。兩車司機均通過酒精呼氣測試，警方正調查意外。
「同隔籬架車輕微碰撞」
本報記者昨致電曾鈺成了解事件，他憶述：「當時我太太喺度，我揸車。」他駕車駛出大老山隧道後，擬切向左線，受天雨影響，未發現左線有車駛至，始釀意外，惟他強調，事發位置可以切線，他並無違例切雙白線，並說：「唔係切雙白線，尋日（周六）下晝接近十點幾、九點幾鐘，我返屋企，出咗大老山隧道後，嗰度係可以過線o架，我由中線過左線，嗰陣落緊雨，我唔小心呀，冇留意呀，冇留意左線嗰架車呀，過線嘅時候就同隔籬架車發生輕微碰撞，兩架車都花咗啲，人就完全冇事啦，嗰度冇雙白線o架。」
曾續稱：「我睇唔切就輕微碰撞啦，大家旁邊揩咗一下！」並強調事件已經解決：「做晒o架啦，當時新界南交通意外調查組到場錄晒口供、影晒相啦。」他昨晚偕妻子出席晚宴，離場時被記者趨前問及他有否因車禍被嚇驚而不揸車，他苦笑說：「唔會，我都係自己揸車來回。尋日件事，我哋車主已經互相交換晒個人資料，無特別嘢！」話畢便急步離開。
揸車意外多 曾輾記者腳
曾鈺成於○四年八月駕駛房車到石崗軍營出席活動期間，一名女記者被其房車車輪輾過腳掌受傷；○四年十月，曾駕平治房車從九龍趕至港島參加會議，期間房車在紅隧的九龍入口前冒煙起火，全車燒毀；去年十月，曾駕駛平治房車到港台錄影節目，在停車場泊車時左邊車身擦向鐵欄杆，之後於十二月便更換凌志房車，並套用舊車牌，豈料事隔五個月又釀車禍。