港鐵月台電子哨 噪音擾民
「其實閂門嗰陣已經有嘟嘟聲，但啲職員仲要拎住部機喺度嗌，嘈到人冇得瞓！」曾先生居於九龍灣德福花園低層，指九龍灣站每逢繁忙時間均有職員手持電子哨發出刺耳「嘟嘟」聲，擾人清夢，「我喺屋企都聽到咁大聲，如果喺月台，咁啱企喺我隔籬，都唔知會否影響聽力！」
聲量不可調校
港鐵發言人證實，繁忙時間會安排車站職員在關門廣播及提示聲發出的同時，舉起「停」字警告牌及按動電子哨，勸喻乘客切勿於車門即將關上時進入車廂。發言人又稱，由於繁忙時間人流較多，電子哨聲響必須維持在一定水平，且聲量屬不可調校，惟港鐵已提醒車站助理按動電子哨時需指向地面。
曾先生坦言不滿港鐵的回應，要求港鐵尋求解決方法，於乘客安全及避免滋擾居民中取得平衡。「問題係我唔係月台嘅乘客都被迫要聽呢啲噪音，係咪有呢啲聲就唔會有人衝閘先？」