不平等條約領匯踢走小商戶

300呎變160呎租3.1萬

「加到成三萬幾蚊一個月，仲要搬去角落頭位，仲點租？」劉先生受僱於街市一間裝修店多年，透露裝修店將不敵加租打算離場。劉指舖位面積約三百呎，但領匯竟要求店東於翻新後遷往約一百六十呎小舖才獲續租，租金則由約六千五百元大增至三萬一千元，呎租變相勁升近八倍。

至於經營車仔麵檔的戶小姐則說，領匯表明擬將其舖位「一劏四」，如欲續租便需遷往面積「細一半」的舖位從頭開始，現有設備將全部報廢，新舖呎租不但增加一倍，入場時更要一筆過繳交四萬元「裝修費」，「呢四萬蚊淨係包電掣、風喉同八達通機，舖面裝修仲要我哋自己再畀錢做！依家係領匯要豪裝個街市，點解要將成本轉嫁去我哋度？」

周永勤擔心街市加租會影響物價，居民將「捱貴餸」。	戶小姐指領匯擬將車仔麵檔「一劏四」，已打算結業。	裝修店被加租近八倍，職員劉先生稱店舖已打算撤離。

承包商：收費較市場低

記者實地了解，發現有多個檔位正清貨減價，商戶均表示遭大幅加租數倍，又被要求一筆過繳交兩萬至五萬元「裝修費」，故將會離場。有街坊則不滿街市翻新期達兩個月，不便購物之餘，亦擔心街市重開後物價飆升。

天瑞街市「豪裝」後會加入高科技元素，但市民亦須付出「代價」。	街坊心聲 黃太：「領匯想個街市走高檔路線，但問題係天水圍好多人係買唔起高檔嘢！」	曾小姐：「天水圍啲嘢不嬲貴，我都成日要落元朗買餸，如果再加租加價真係唔會嚟買。」

領匯發言人以街市由承包商管理為由，未有直接回應查詢。承包商發言人則說，街市租金乃按市場水平釐定，五十三個租戶中，有六成已落實新檔位安排，其餘仍在洽談中。

至於被指向租戶收取「裝修費」一事，承包商發言人則稱費用屬「舖內裝置費」，包括牆身及地面翻新、八達通電子磅、會員電腦系統等，強調費用已低於市場水平。

議員擔心居民「捱貴餸」

「領匯逼走晒啲小商戶，最終受害嘅都係街坊！」元朗區議員周永勤擔心街市租金上升，最終會令居民「捱貴餸」，要求領匯慎重考慮街市租金加幅，並以明細表形式交代「裝修費」涵蓋範圍，以確保收費合理。立法會議會陳恒鑌則狠批領匯亂設「不平等條約」逼小商戶離場，做法極不負責任，要求政府介入事件，「當年房署賣產畀領匯，雙方都承諾過會履行社會責任，但依家就將啲公屋街市豪裝加租，又亂咁巧立明目收錢，仲點提供價廉物美嘅貨品畀市民？」

記者：林松澧、詹海萍

攝影：楊育輝