政情：菲黑旅警解除 「港人戒心未減」
菲律賓人質事件早前終獲解決，制裁菲律賓嘅黑色旅遊警示亦隨之解除，但新華旅遊董事總經理兼香港專業及資深行政人員協會理事楊章桂芝（Cindy）話，菲律賓整體治安情況仍備受關注，港人戒心未減，暫時未見報團人數回升。Cindy分析，人質事件發生後，唔少港人質疑到底菲國係咪有能力維持當地治安，並指有得揀寧願去東南亞其他國家。
即使撇除個別事件，旅遊界今年其實都挑戰多多，當中離不開同全球經濟大環境有關。Cindy話剛過去嘅復活節，到歐洲旅遊嘅人數比去年少咗好多，唔少外籍司機慨嘆中國旅客銳減，貼士都收少啲。咁都未算，最頭痛係請人難，Cindy透露業界早前聯手舉辦招聘會，點不知一整日埋單計數，大家只係請到五個人喎。