機電署爛窗 危害途人
「個窗塊玻璃爆晒，仲有一半黐住個窗框，吊吊揈對住條行人路，容咩易跌落嚟，機電署想收買人命咩！」位於土瓜灣道的機電工程署舊址疑日久失修，有玻璃窗破碎懸掛在行人路上方，當局卻懵然不知，陶先生擔心破裂玻璃墜下傷及途人。
屬舊址 早已搬走
機電署發言人表示，在接獲本報通知後，已即時安排清除從窗戶掉下的玻璃碎片及跟進工程。發言人指上址為機電工程署舊車場及宿舍，現已遷出。
陶先生促機電署為舊大廈做好保養維修，以免意外發生，「雖然已經搬走咗，但係都應該要確保樓宇安全，好彩今次發現得早，可以及時補鑊，萬一真係傷到人先補救就趕唔切！」