探射燈：扭曲青少價值觀影響深遠
有社工認為，網上淫褻文章容易誤導青少年價值觀，現時部分網上小說內容猥褻，年輕人易受錯誤價值觀影響，「以為個個女仔都好隨便畀你摸。」雖然網上討論區的成人版面禁止十八歲以下人士進入，但禁令形同虛設，有家長組織呼籲當局應該加強監管，免荼毒青少年。
諗埋一邊易闖禍
「呢啲淫褻故事通常描述到女仔好享受畀人侵犯，一啲血氣方剛而又無知嘅男仔睇咗，就會以為其他女仔好歡迎隨便嘅身體接觸！」資深社工林強指，網上淫褻小說對青少年價值觀有負面影響，「令佢哋以為呢個世界好多嘢都做得」，更容易犯下彌天大錯。
「依家網上規管好似係有，要求十八歲以上先睇得，但其實係人都可以聲稱自己係成年人，變相形同虛設。」惠僑英文中學家長教師會主席王雲秋認為，政府應加強規管，減少青少年接觸不良資訊的機會。