坊間盛傳食甜品可以減壓，立法會議員田北辰（田二少）日前去韓國首爾旅行時，一去到咖啡店就叫咗杯特大綠茶雪糕，莫非佢嘅工作壓力好大？田二少就話，當時佢已經食飽，原本只係諗住坐低歎杯咖啡，點知就被綠茶雪糕吸引住，搞到佢都要投降食埋一份，聲言返港後要積極減肥。不過，立法會鐵路事宜小組下月初開會討論高鐵延誤事件，身為小組主席嘅田二少到時一定會同其他議員一齊鬧埋港鐵一份，睇怕佢唔使減肥都肯定會激氣到瘦喇！
（受訪者提供）
