原定明年竣工嘅廣深港高鐵香港段出現工程延誤，雖然港鐵歸咎於上月嘅暴雨浸壞咗元朗隧道嘅鑽挖機，但另外有兩個原因係同天氣無關嘅，而過去亦有傳聞話高鐵工程可能出現延誤，港府作為大股東，絕對冇理由事前一啲風聲都收唔到。不過，運輸及房屋局局長張炳良尋日就出嚟表現得好詫異，話上星期先至接獲港鐵通知話高鐵工程會有一定延誤，佢感到非常驚訝同意外喎！究竟係張炳良真係驚訝同意外吖？定係想詐傻扮懵卸責呢？
