政情：公民講場：「毛」聊政改騷 出碟盞嘥錢

立法會議員訪滬鬧劇告終後，中聯辦主任張曉明表明會喺兩個月內，再次逐批約見班議員溝通交流，包括某啲今次冇參與到訪滬嘅議員。有去到上海、但最終冇入到境嘅社民連主席梁國雄就話，中央想再約佢見面傾偈都得，前提係要畀佢錄影會面內容，並聲言會自資幾萬銀將錄影片段製成DVD派畀市民睇。不過，根據剛結束嘅上海之旅，班泛民議員上到去就掛住做騷博出位，啲京官就講來講去都係三幅被，毫無新意同賣點，呢批DVD就算真係整得成，估計最後都係滯銷居多。