被控阻街逾50次 店舖無視
「間舖喺正轉角位，兩邊都畀啲貨塞住晒，搞到行都冇得行！」李先生（化名）指大埔安慈路有店舖常違例擴展營業範圍，將水果等貨物及紙皮箱置於行人路，途人均需繞道而行，「有時落雨天想行入騎樓底都唔得，惟有開遮行出去，如果冇帶遮就要淋雨，好狼狽！」
促加重違規罰則
食物環境衞生署發言人表示，一向關注上址店舖阻街情況，除日常巡查外，亦不時進行突擊行動，過去一年曾向涉事店舖檢控逾五十次。發言人又指，接獲轉介後曾派員突擊巡查，亦已向有關店舖負責人提出檢控。
李先生要求當局盡快加重店舖阻街的罰則，以免再給予違規店舖「罰款抵過交租」之感，「政府廣告就係咁話畀條路市民行下，但一路都得個講字，做就無能為力，檢控咗成五十次都冇改善，就知道要諗下其他方法啦！」