中環出更：蘇陳偉香領軍延續仁心

商界二代加入 名人撐場

合和實業主席胡應湘太太胡郭秀萍亦有到場，佢同廖創興家族新抱廖湯慧靄一齊入場，兩人十分老友。胡太話，今次係特登嚟支持世侄女Jacqueline，事關廖太係Jacqueline嘅姑媽，廖太囝囝廖偉麟亦有現身打氣。

最近有幅價值二千幾萬元嘅名畫喺拍賣後，懷疑被清潔工人當垃圾丟棄嘅奇聞，間中都會喺拍賣場買畫的胡太，一講起件事就好肉緊，話嗰幅畫係獨一無二，冇咗就冇咗喇，認真可惜喎。

百仁基金副主席楊華勇（Johnny）、「 九巴金公主」伍穎梅及富豪集團太子女羅寶文等人亦有到場，佢哋都係去支持新總理Wendy，眾人輪住同Wendy握手合照，場面熱鬧開心。即將添第二名BB嘅Johnny話，太太莊菲娜預產期係下個月，今次太太懷孕好輕鬆，動作好大，好似唔記得自己大緊肚咁。

楊受成（右一）偕胞弟楊力成（左一）到場，為黃美斯（左二）及林煒珊（右二）打氣。（溫國佳攝）	胡郭秀萍（右）話湯振玲（左）做善事值得支持。	羅寶文（左一）、楊華勇（右一）及伍穎梅（右二）齊去見證羅穎怡（左二）加入仁濟大家庭。

至於卸任主席嘅梁昌明，任內為仁濟醫院籌得九千四百萬元善款，成績令人鼓舞，他相信仁濟醫院在新主席蘇陳偉香帶領下，能夠延續仁濟嘅行善精神。

卓妮