政情：公民講場：水炮「射住」香港淋熄佔中？

中央尋日突然宣布滬港股市直通車開通，其中內地人買港股嘅累積額度，最多高達二千五百億元人民幣，令大批港股即時被炒起，單日成交五個多月來首次突破一千億港元。但其實有關政策最快要六個月後先可落實，好多細節至今仍未清楚。中央揀喺呢個時候急急公布，難免令人懷疑喺同今晚啟程嘅立法會議員上海訪問團，以及嚟緊嘅六四事件廿五周年、佔中公投同七一遊行等敏感日子有關，希望借上海呢支大水炮，淋熄香港嘅政改佔中之火。