【本報訊】這段淒美的「父女戀」戀情，始自浪漫的「餅店情緣」。男主角昨忍着悲痛，憶述該段甜蜜的悲劇，道出兩人因志趣相投，由師徒開始，在日夕相對下，漸生情愫，終忘記年齡差距，衝破界限走在一起，成為戀人。
少女男友李先生雖然年屆五十，但身形健碩，樣貌後生。他昨向記者表示：「佢好鍾意整餅，好有心機，我見佢咁有心，所以用多啲時間教佢。」相識不足一個月，兩人關係已發展迅速，並由師徒變成情侶，並說：「初時欣欣父母知道我哋拍拖都好反對，但見我哋拍拖後，欣欣愈黎愈乖，無出夜街，生活有番規律，佢父母都開始接受。」
兩人自拍拖後，經常在facebook上互相打情罵俏，李以「柴柴」稱呼欣欣，她則以「黑柴」回稱，李不時在欣欣facebook照片上讚好，去年三月時，欣欣上載了一張自拍素描照，李即幽默留言稱：「畫嘅！所以咪靚女好多囉」，欣欣撒嬌言：「點解又要攻擊我？」李口甜舌滑回言道：「愈睇愈靚」。惟甜蜜的對話已不再，情緣更不幸悲劇終結。