屋苑大樹傾斜 隨時壓途人
柴灣道有大樹瀕倒，途人或隨時「中招」！居於山翠苑的徐先生指出，屋苑近柴灣道入口有一棵高約三層樓的大樹曾於去年遭火劫，部分枝幹被嚴重燒毀甚至折斷，導致失去平衡「歪埋一邊」，「呢幾個月睇住佢愈嚟愈斜（向柴灣道），又愈嚟愈多枯葉，呢度平日咁多居民出入，管理處點可以求其圍住佢就算？」徐要求管理處正視問題，盡快妥善處理。
圍封多月未解決
負責屋苑管理的管理公司發言人表示，去年底已圍封有關位置，並張貼告示提醒途人切勿走近，期間亦建議法團聘請專業樹檢顧問，評估有關樹木狀況，現階段與法團積極跟進。
「希望佢哋盡快有共識，一係就斬咗佢一了百了，一係就整啲支架撐住重嗰邊，唔可以再拖落去！」徐先生要求管理公司採取果斷行動應對，保障居民安全。