為穩定樓市供應，港府去年推出港人港地政策，但最近就因為樓市趨向穩定而作罷。發展局局長陳茂波尋日出席電台節目時話，種種迹象顯示樓價有回落情況，但政府唔會為樓價定下目標，希望樓市可以健康發展。有聽眾批評，政府見樓價高就撳 低樓價，樓價低就叫人買樓，搞到香港人唔知買唔買樓好。陳茂波做局長後經過多番波折，答問題都穩陣咗，強調政府從來都唔會叫人買樓，又呼籲市民要留意利息走勢、經濟狀況及本身負擔能力，講到底買樓係個人決定喎！
