渠管滲漏 滲水辦無符
西灣河東熹苑華熹閣住戶陳先生（化名）指出，廚房內擺放洗衣機位置有渠管於一二年起出現污水滲漏問題，並經管理處轉介滲水辦跟進，「承辦商啲人上嚟影幾張相、整張紙巾上去就叫做測試，之後就冇人聯絡，亦都冇人嚟拎番張紙巾走，就算我親自打去都係冇人聽、冇人覆！」
滲水辦發言人證實曾於去年四月接獲舉報，指上址單位出現滲漏，已即時派員到場了解及在上層單位各排水渠口進行色水測試，惟未能確定滲水源頭與排水渠管有關，遂於同年六月至今年二月期間再進行多種測試，但未能確定滲水源頭，已將結果通知有關單位住戶。
「滲水辦講嘅嘢同事實完全不符！第一佢冇通知過我測試結果，第二我好肯定張紙巾係佢哋擺上去！」陳先生批評當局處理個案態度「懶懶閒」，事隔一年竟查無所獲，無助市民解困。