政情：公民講場：阿基講「手」雙重標準

身兼泛民飯盒會召集人嘅民協立法會議員馮檢基，尋日預算案特別財委會上，關注質疑中央政策組過去幾年曾四次向一國兩制研究中心批出研究合約，質疑事件涉及利益輸送，藉此養住中心總裁張志剛等一班輿論打手，喺有需要時發炮攻擊泛民。中策組副首席顧問聶世蘭就強調，有關合約全部係經既定嘅招標同審批程序嘅。不過話說回來，佔中秘書處等泛民團體，幾乎次次做民調都幫襯鍾庭耀做總監嘅港大民意研究計劃，比率肯定高過中策組搵一國兩制研究中心做嘢，而且絕大部分都無正式招聘，唔知咁又算唔算養住個輿論打手呢？