漁農界立法會議員何俊賢（高佬賢）一連兩日玩諧音，前日話白鴿黨中西區區議員許智峰嘅「峰」字係瘋癲個「瘋」後，尋日又喺立法會資訊科技及廣播事務委員會會議上，話香港電視網絡主席王維基嘅「基」字，即係電視機個「機」喎！高佬賢除咗被泛民主派支持者鬧爆外，連建制派內部都對佢有微言，質疑佢唔知係咪貪得意亂噏廿四，擔心佢玩出禍。雖然高佬賢事後承認只係講吓笑，但始終都要認衰，應承下次唔再講呢啲笑喎！
