政情：公民講場：樹根駁疑「雲」暗寸AV仁

由政府牽頭嘅政改早餐會尋日去到最後一場，人稱「一舊雲」嘅議員黃碧雲會後引述會上有建制派議員話「冇廿三條，就冇普選」，涉事嘅議員鍾樹根即刻澄清反駁一舊雲。樹根重申絕對冇講過「冇廿三條就冇普選」，佢只係建議分兩個階段落實普選，首先落實高門檻普選，之後為《基本法》第廿三條立法，咁就可以令中央唔使驚，亦冇藉口搞咁多篩選，到時就可以達致終極普選喇。樹根質疑一舊雲當時睇緊手機分心，結果搞到一舊雲聽唔清楚佢講乜喎。樹根咁講，即係寸一舊雲好似黨友「AV仁」何俊仁咁開會睇艷照咁唔專心啫！