立法會經濟發展事務委員會原定於上月開會跟進南丫海難調查報告，但因會議時間不足而延至尋日再開會，被指須為海難負責嘅前海事處處長廖漢波由於已經退咗休，成功避過議員圍攻，改由新任海事處處長黃偉綸頂上。不過，班議員繼續死咬廖漢波唔放，有海難死者家屬更發表公開信，點名要求廖出席會議，並怒斥：「不要像隻烏龜般躲在龜殼裏當個王八！」廖漢波想就此甩身？真係冇咁易呀！
