衙前塱道後巷惹鼠患

九龍城衙前塱道食肆林立，有店舖被發現疑為一己之便，將垃圾隨處棄置後巷，遍地污水衍生衞生問題。「又污水又垃圾，後巷變咗垃圾房，成日都冇人清理，啲人又不斷咁丟，搞到惹晒蚊蟲，仲有老鼠添！」陳先生指胡亂丟垃圾不但對途人及居民構成滋擾，更令附近環境衞生每況愈下。

食物環境衞生署發言人表示，接獲本報轉介後曾派員巡查，發現後巷有小量垃圾，已安排服務潔淨承辦商清理。巡查期間，職員亦懷疑有食水管滲漏，已轉介相關部門跟進。在其後的覆查中，職員認為上址環境衞生情況滿意。

「雖然依家清咗啲垃圾，但係呢個唔係一朝一夕可以解決嘅問題，如果再有人丟垃圾，食環署就要罰，等佢哋知道冇公德心係要付出代價！」陳先生要求食環署教育及執法雙管齊下，改善後巷衞生情況。