繼發展局局長陳茂波早前因交通意外被判不小心駕駛罪成後，身兼行政會議成員、立法會議員及全國政協委員林健鋒，又因為去年七．一駕車趕往出席「香港巨蛋音樂節」時逆線行車兼衝紅燈，被裁定更嚴重的危險駕駛罪名成立。今次林健鋒就大單啲，要罰款八千元及停牌半年，而且佢同陳茂波都一樣，要自費報讀駕駛改進課程。其實佢哋可以約埋一齊去上駕駛改進課程，話晒都係自己人，除咗可以互相扶持，有個伴會冇咁悶嘛！
