當阿源仔咁教點心師傅盼徒歸
【本報訊】「當佢係仔咁教……」點心師傅標哥昨坦言一直悉心栽培阿源，恨鐵不成鋼，可惜阿源未能領會師傅一片苦心。阿源失蹤前曾向家人大呻工作不開心，更在遺書上提及上司﹕「佢經常對我指指點點，又成日話我做啲嘢唔好，所以我先至唔鍾意啫……」標哥對此大感無奈，坦言過去用心栽培阿源，並強調自己「對事唔對人」，希望可回酒樓工作。
發現無心機工作
標哥昨受訪時表示，自己十多歲時已入行，與阿源父親同做點心，識於微時，半年前阿源父親拜託他介紹阿源到其酒樓工作，並好好照顧他，他拍心口答應。標哥坦言，過去視阿源如親子，對他悉心栽培，並重申﹕「有時做得唔好，梗係要話你啦，但我對事唔對人。」
他又指，當阿源工作了三個月後，他見到阿源做得無心機，還未盡全力工作，曾着他找一份自己喜歡的行業，但阿源當時默不作聲，之後他從其他同事口中得悉，阿源曾透露希望在連鎖快餐店或便利店工作，但沒有向標哥提及。標哥非常擔憂阿源的安危，又指酒樓上下均十分擔心他會做傻事，希望他早日回家，而酒樓亦隨時歡迎他繼續上班。