膠箱阻街 多年無改善
「啲發泡膠箱擺到成幅牆咁高，擋住晒條路，畀人行嘅位連半吋都冇，當正條街係貨倉咁！」灣仔居民陳先生每日行經太和街，均發現有店舖在行人路上堆放發泡膠箱，令行人寸步難移，情況持續多年仍未有改善，「我搬咗嚟六年，每次行過都要兜出馬路先過到！」
去年37宗檢控
食物環境衞生署發言人證實，過往一年共接獲三宗涉事地址店舖阻街投訴，並提出三十七宗檢控，接獲本報轉介後再派員巡查，亦已向涉事店舖提出檢控。
陳先生指出，投訴後情況曾一度收歛，惟未幾即故態復萌，要求食環署正視問題，對阻街店舖嚴加檢控，確保行人路暢通無阻，「啲膠箱日日都堆到成座山咁高，但原來一年先得嗰三十幾次檢控，唔怪得咁耐都冇改善啦！」