渡海濠情：唔睇外在 欣賞褲袋

唔愛型男

睇完套韓劇就話要整容？咪以為佢哋黐咗，皆因現實中確大有人在。其實男人想型都唔奇，有邊個唔想變得型仔啲嚟吸引女士嘅目光呢？不過現實中唔係個個女仔都睇外表，好似索女瑤瑤就話唔鍾意型男。瑤瑤解釋：「正所謂靚仔冇本心，我好相信呢句說話，更何況現今整容技術咁發達，想變型男一啲都唔難，故此我唔鍾意型男，反而會欣賞佢哋嘅內在美。」聽瑤瑤咁講，莫非佢以前畀型男情傷過？瑤瑤尷尬地話：「有邊個女仔唔鍾意型男？見到有型嘅男士總會忍唔住心動，只係佢哋個個都好花心，覺得憑住自己個樣冇女溝唔到，呢啲男士真係一啲安全感都冇。」

睇袋重要

咪以為聽到瑤瑤話欣賞男士嘅內在美時，就以為佢真係欣賞男士嘅內在性格，皆因聽落去嘅話會發現查實佢另有所指。瑤瑤笑道：「我所謂欣賞內在美，其實係欣賞對方嘅褲袋。」講得咁出，明眼人一睇就知你係鍾意巨棒男啦！點知瑤瑤擰晒頭話：「我唔係欣賞巨棒男呀！而係欣賞佢哋褲袋裏面個荷包。荷包愈腫脹嘅話，即係說明佢份人好有能力，呢類型嘅男士先至可以畀到我安全感。」其實又唔可以話瑤瑤現實，皆因女人點會唔想有個有錢又有型嘅男友呢？瑤瑤大笑話：「咁就梗係啦！如果個男士唔單止有錢，外形仲相當吸引嘅話，試問有邊個女人會唔流晒口水呢？」

瑤瑤Profile　　

身高：5呎5吋

三圍：34、23、34

杉本有美Profile

年齡：25

身高：5呎6吋

三圍：33、23、33　

撰文：魂　

攝影：程