違泊霸道抄牌欠阻力
「條路本身已經唔闊，仲要日日畀啲車霸咗一大半，當正條馬路係停車場！」張先生不時駕車駛經灣仔巴路士街，發現常有大量車輛違泊，影響其他車輛出入，曾多次向警方反映，惜情況一直未見改善。
半年發630張告票
警方發言人證實，過去半年共接獲四十八宗巴路士街違例停泊投訴，並發出逾六百三十張定額罰款告票，接獲本報轉介後亦派員實地調查，期間共發出五張定額罰款告票。發言人承諾將繼續留意上址交通情況，並採取適當執法行動。
不過，張先生直指上址違泊問題未有改善，日前駛經時仍見有車輛違例停泊，「隔幾日再經過，嗰度又係泊滿晒車！警察落去兜個圈都即刻出到五張牛肉乾，可想而知呢度違泊有幾嚴重！」張要求警方加強巡邏，確保馬路暢通無阻。