國務院總理李克強日前宣讀工作報告，提及香港同澳門部分時只係話中央要堅持「一國兩制」方針，但就冇提到「港人治港、高度自治」，點知咁都惹起爭議。港區全港人大代表譚惠珠就話，一國兩制、港人治港、高度自治就好似呼吸空氣一樣，日日都係咁做o架啦，就算李克強冇喺工作報告度提及，都唔係咩大事啫，唔使好似唸佛偈咁，日日都提住咁話。而基本法委員會副主任梁愛詩都話，李克強嘅工作報告都冇提及「五十年不變」，咁唔代表香港有好大改變囉！
