由法國藝術家創作嘅一千六百隻紙熊貓即將來港展出，但立法會議員陳志全（慢必）就趁住呢兩星期立法會暫停會議，去台灣旅行先睹為快。慢必日前在社交網站放咗五十幾幅相，其中一幅相見佢好輕鬆咁坐喺台北市政府廣場對開地下，笑容滿面，背後就係密密麻麻嘅得意熊貓仔（圖），唔使問都知佢玩得好開心啦！開心又點止得咁少呢？有幅相仲影到慢必同一班男女朋友喺咖啡室談天說地添！台灣跨性別人士平權組織搞得好成功，唔知慢必有冇順便去取吓經呢？
（互聯網）
