纏枯木傾斜 路牌無人理
新蒲崗衍慶街有路牌遭枯木纏繞，鐵柱亦告彎曲甚至傾斜。姚小姐發現衍慶街其中一塊路牌下放有三盆植物，莖部被多條尼龍繩綑綁並固定於鐵柱上，令路牌變得彎曲及傾斜，質疑路政署保養不力，令路牌安全成疑，「之前《東方日報》都登過有路牌成支冧咗，如果路政署保養做得好啲，認真啲檢查，就唔會搞到啲路牌彎彎曲曲啦！」
路政署發言人證實，派員實地視察期間發現路牌有輕微傾側，路牌下亦有植物擺放。不過，發言人強調路牌整體結構仍然穩固，但為保障道路使用者安全，已安排承建商進行維修，並將有關植物移走。
「路政署成日都話會定期檢查啲路牌，嗰幾盆植物都擺到枯埋，依家有人投訴先去處理，真係冧咗就大件事！」姚小姐要求路政署加強檢查路牌安全，倘發現生銹或彎曲等情況應盡快維修。