行人路爛地板 維修緩慢
陳先生早前途經尖沙咀藝術館對開一段有蓋行人通道時，發現木製地板嚴重損毀，更有多處貼上黑色膠紙，「有啲位螺絲凸晒出嚟，我個女差啲戟親，咁危險都唔維修，係咪靠害？」陳不滿當局罔顧市民安全，要求盡快維修。
康文署唔踢唔郁
康樂及文化事務署發言人承認，日前已發現上址走廊木板地因損耗導致螺絲鬆脫，遂暫以膠紙貼封輕微凸起的木地板邊緣，以防行人絆倒，並安排建築署承建商於新春假期後立即維修，現時維修工作已大致完成。
「條路爛得咁緊要，好明顯唔係一朝一夕嘅事，康文署根本就應該早啲做維修，唔係等收到投訴先做嘢！」陳先生直斥康文署「唔踢唔郁」，認為當局有責任勤加巡察轄下設施，並作適時維修。