「貪湯」前廉政專員湯顯明尋日再到立法會接受議員質詢，對於佢在任期間曾在北角廉署總部宴請外國駐港領事，當時由外交部駐港特派員公署派出五名大廚到廉署總部餐廳烹調美食，又唱卡拉OK，又有啤酒競飲大賽，相當離譜，但佢竟然話刑事調查進行中唔評論，又話自己唔記得喎。俗語話「酒醉都有三分醒」，貪湯做主人家有責任招呼賓客，所以冇理由唔記得當日發生咩事，除非真係政府出錢佢出命，佢當時豪飲到啤啤夫嘅啫，如果係咁嘅話，佢應該連自己姓乜都唔記得啦！
