民政事務局前局長藍鴻震（藍爺）久未露面，我哋早前喺新界關注大聯盟新春團拜上見到佢，佢就話退休生活依然咁忙，即時展示佢張卡片畀我哋睇，話依家除咗搞緊國際專業管理學會外，仲擔任多間企業嘅非執行董事，而近年仍不忘關注青年事務，所以每年都會同一班青年人一齊返大陸考察，似乎真係好充實咁喎。藍爺百足咁多爪，問佢點睇有鄉事派計劃組黨，佢就話係好事喎，仲話組黨係大趨勢添，唔通一啲都唔擔心建制派互相搶票？
