政情：公民講場：小肥張寫包單 福利唔「減甜」

有消息話，後日公布嘅財政預算案將會減少派糖，勞工及福利局局長張建宗（小肥張）尋日出席活動後，強調就算預算案「減甜」，都唔會影響施政報告提出嘅扶貧措施，承諾當局會如期推行低收入在職家庭津貼。佢話雖然施政報告同預算案由唔同人制訂，但兩者係互相掛鈎，任何喺施政報告內提出嘅措施，財政司司長都會喺預算案中留一定嘅撥款，以勞福局嘅措施唔會受到「減甜」影響。而今次份預算案內多項被削嘅一次性紓困措施都好似唔係好關勞福局事，而綜援、生果金、長者生活津貼等受助人又可以繼續出雙糧，唔通小肥張想改名做「張甜甜」？