政情:社民連換屆 只有更激進?

社民連尋日選出新一屆行政委員會成員。雖然立法會議員梁國雄(長毛)連任主席無乜特別,而副主席仲係由吳文遠擔任,不過因「掟嘢」成名嘅黃浩銘同陳德章就分別獲委任為內務副主席及秘書長,莫非暗示社民連未來會愈行愈激?

「掟飯男」及陳德章上位

黃浩銘曾經喺兩年前向「貪曾」掟粟米斑塊飯,諷刺政府高官不知民間疾苦,「一掟成名」,被冠以「掟飯男」稱號。去年四月喺立法會審議財政預算案拉布期間佢「玩升降機」,被歷史性首次引用《立法會(權力及特權)條例》內嘅干預議員罪起訴,判罰款一千五百元。而陳德章就喺去年十二月嘅施政報告諮詢論壇上,企圖向特首梁振英掟生雞蛋同「路福西」狼公仔,但就誤中副車,搞到財政司司長曾俊華「中蛋」,被警方以普通襲擊及擾亂公眾秩序罪名拘捕。

不過被問長毛一旦辭去立法會職務後由邊個頂上,吳文遠就話黨內未討論過喎。

第一手消息請下載on.cc東網iPhone/iPad/Android/Windows Phone Apps