支援本港社工服務工作嘅愛心計劃「愛心進行曲」尋日舉行交流會，約百名獲選資助項目嘅註冊社工及協作機構代表聚首一堂，交換實行愛心項目嘅意見。三位網絡達人宣柏健、唐志浩、KC KOO齊現身講述現今網上社交媒體發展趨勢，鼓勵社工善用更多渠道擴大其服務計劃嘅影響力。李嘉誠基金會將資助九十個獲選項目，基金會撥款資助總額達一千一百萬元，以鼓勵社工宣揚處處關懷、人人樂助嘅社會正能量，基金會並即場頒發支票予獲選項目的社工，以便佢哋可以立即落實愛心項目。
