東方報業集團前年獨家踢爆「貪曾」前特首曾蔭權爵士現身澳門一個「江湖人士」雲集嘅飯局，揭發貪曾連串「貪盡海陸空、歎盡省港澳」嘅貪腐醜聞。事件至今已兩周年，雖然廉政公署話調查需要，但年幾兩年時間乜嘢驚天大案都應該查完啦，但廉署至今仍未有進一步行動，而貪曾早前就着住同當日「江湖飯局」一模一樣嘅鮮紅色樽領衫現身公開場合，真係唔知攞景定贈興，明剃廉署眼眉。如果廉署調查仲係咁樣歎慢板，除咗斷送香港僅餘嘅廉潔外，廉署根本同摺埋冇乜分別。
