乘客鬧爆港鐵：香港人嘅恥辱
【本報訊】港鐵事故不斷，乘客鬧爆「香港人嘅恥辱」！乘客林先生昨午在紅磡站上車往羅湖，趕往深圳登上赴清遠的巴士，但因事故，列車行駛極慢，到大埔墟站便耗時一小時多，在大埔墟站落車等待接駁巴士時指示又極混亂：「啲人（職員）都唔知喺度做咩！一時叫人排呢度，一時又叫人排嗰度，排咗成半個鐘先同我講排錯咗要再排過！我依家都唔知趕唔趕得切搭深圳架巴士！」他鬧爆港鐵的服務質素「不能接受」：「呢個月已經好多次事故，簡直係香港人嘅恥辱！」
網民諷「唔跪低先係新聞」
受影響乘客黃先生指：「架車停咗喺度好耐都唔郁，又逼又多人」，接駁巴士的指示混亂，「分咗好幾條隊，都唔知排邊條好」，行程被耽延最少兩小時。
任職售貨員的李小姐表示：「港鐵咁唔得喎！已經故障咗好多次，會影響好多人，要加強檢查維修。」黃小姐更鬧爆港鐵：「價就年年都加，維修就做唔足，有乜理由十日內又第二次？證明維修做得唔夠。公司有好多同事住東鐵站沿線，事故搞到佢哋返工遲到，影響公司運作。」
大批網民亦留言鬧爆，直指情況「慘過行年宵」，部分網民斥責港鐵垃圾、離譜，更指懷念九鐵時代，直言「九七前，跪一次都大新聞，現在唔跪先係新聞」。有網民則指每次故障後，港鐵公司都會道歉，惟道歉背後「車照壞，纜照斷，價照加」。
此外，昨傍晚有網民在facebook及討論區上載金鐘站逼爆的相片，懷疑是受到東鐵線故障影響，有人揶揄道：「大場面又嚟啦，東鐵壞搞到塞返去金鐘」，但港鐵事後否認兩宗事件有關連。