運輸及房屋局局長張炳良日前無啦啦話，政府內部會全面研究租金管制（租管），並詳細分析其利弊，令外界誤以為政府會研究恢復租管，引起市場好大恐慌。由於租管會令市場即時封盤，甚至扯高租金水平，所以張炳良尋日即刻走出嚟澄清話，政府無意恢復租管，只係研究租管對香港有咩影響。張炳良明知自己講錯，仲要死撐落去，認真抵鬧。聽講佢遲啲要就辣招草案作出口頭承諾，但試問佢咁鍾意死撐，以後佢講嘢可以信幾成？
