探射燈：滑冰聯撐呂 轟港協失風度
冬季奧運會香港代表團容不下一個隊醫的醜聞愈演愈烈！港協暨奧委會義務秘書彭沖返港後即反駁香港「速滑小子」呂品韜的各項指控，更語帶譏諷說︰「係咪要我每日去到嘅時候都打躬作揖咁問候，去請安？」而代表團團長王敏超更暗示呂是輸掉比賽後找「藉口」。不過，二人對呂是否曾提出要求隊醫隨團則前後矛盾。香港滑冰聯盟對王的說法感到非常義憤，直指王失風度。主角呂品韜返港後態度亦轉變，僅表示早前言論是表達意見，並非投訴。
本港唯一一位出戰俄羅斯索契冬季奧運會的選手呂品韜，前日踢爆港協暨奧委會漠視運動員權益，矛頭直指彭沖及王敏超。彭昨抵達本港機場時表現激動，指去年十二月才得知本港有一名運動員可進身本屆冬奧，已即時展開籌備工作，又指隨團人數由國際奧委會規定，本港可分配四個名額，包括王敏超、港協暨奧委會職員周景勳、教練呂碩及呂品韜。他與港協暨奧委會會長霍震霆是以國際奧委會身份出席。
王彭口供相矛盾
彭沖更說：「我哋將自己一個官員嘅位讓咗出來，畀葉小姐去，你問吓葉會長（主席）肯唔肯讓個位出來畀隊醫，我哋唔會反對。」彭所指的名額是「聯絡參贊」，用於聘請當地人作翻譯及當地協調事宜。對於未有在訓練時探望呂品韜，他指，他們每天均有會議要參與，加上呂已有家人及教練陪同，呂並非「baby」（嬰兒），毋須每日探訪，又解釋並非想「博上鏡」，只是擔心電視台採訪時不知會有何事發生，才特意前去。
彭冲又指，未有聽過呂提出隊醫隨團的請求及有關書面申請。不過，王敏超其後在電台節目說：「我聽彭沖講話佢哋有要求話要申請隊醫。」明顯二人的口供有出入。
否認遊山玩水
王敏超暗指呂品韜想掩飾成績不佳，「我自己做過運動員，可能有啲時候達唔到成績，希望有其他原因講埋出來，就變咗責任唔喺自己度。」他指抵達索契後各司其職，每天均有會議出席，絕無可能遊山玩水，又指已通知當地醫院的位置予呂碩。
對於王彭二人的反駁言論，浸會大學體育學系副教授雷雄德諷刺他們的體育知識「落伍」，指隊醫是完全掌握運動員的身體狀況，甚至在訓練期間已跟隨運動員，可即時提供最好的治療，「即唔係話你腳痛去睇醫生，跟住開幾粒止痛藥畀你就算。不過，佢兩個做運動員果陣，醫生同隊醫就真係無乜分別。」
民政事務局局長曾德成指，由於是次事件情況特殊，會總結經驗，進一步向運動員提供支援，但尊重港協暨奧委會的決定，對方對參加奧運會有一套制度及規則，認為他們是最有經驗處理。
今次運動界醜聞引起各界關注，立法會議員陳家洛炮轟指，港協暨奧委會若繼續其官僚作風、踐踏運動員尊嚴，將難再有運動員代表港隊出賽；他又對民政事務局局長曾德成前日歸咎安排是港協暨奧委會負責，表示極度失望和遺憾，已去信立法會民政事務委員會，促盡快開會討論事件。
呂品韜與港協暨奧委會之間各項爭議
1.隨團隊醫︰
呂品韜︰「今次我哋無隊醫啦，其實我哋每一次都有講過（要求），個回覆好似就話，香港隊嘅名單已經滿咗。」
彭沖︰「我根本唔知道有呢個要求，亦都無收過書面申請。」
王敏超︰「我聽彭沖講話佢哋有要求話要申請隊醫。」
2.隨團名額 ︰
滑冰聯盟︰「根據國際奧委會嘅參賽名額規則，教練同領隊係有責任照顧運動員，即係呂碩同葉小燕，所以彭先生嘅講法唔係好正確。」
彭沖︰「一個運動員只可以派一個教練，我哋將自己一個官員嘅位讓咗出來，讓葉小姐去，你問吓葉會長（主席）肯唔肯讓個位出來畀隊醫，我哋唔會反對。」
3.輸比賽︰
呂品韜︰「咁我唔會全部賴晒係腳傷，咁係我自己水準唔夠。」
王敏超︰「我自己做過運動員，可能有啲時候達唔到成績，希望有其他原因講埋出來，就變咗責任唔喺自己度。」
4.無探望︰
呂品韜︰「我哋代表香港，我訓練嗰時，正常都會來望吓，過來關心吓，『準備成點？』，其實都無囉！唯一一日來，就係有電視台採訪我嗰日。」
彭沖︰「係咪要我每日去到嘅時候都打躬作揖咁問候，去請安。係咪咁就表示關心呢？佢要睇冰球，我哋馬上安排睇冰球。佢要去shopping（購物），我哋馬上安排車，唔通呢啲唔係關心？」
網民對呂品韜事件評語
Yoshi： 「如果連隊醫咁基本嘅都冇，我唔明隨行有咁多人嘅必要性……」
谷羚： 「雖然呢個小呂的確有賴嘅成分，但難得香港有運動員入選冬奧，的確更應珍惜。」
樓上吉仔：「人哋辛辛苦苦爭取出席冬奧，為港爭光，賽前話明攞經驗，同組對手有三個世界冠軍，根本無可能贏，又點會話輸咗搵藉口呢？」
海皇星人：「王敏超既（嘅）講話，侮辱全香港運動員！冇香港運動員，你有得去沾光？」
hwwong：「相信呂運動員不是想找借（藉）口，而是講出了自己的情況及要求吧！」
【傑】：「已經將一個附屬單位名額轉畀領隊？即係原本連領隊都無？？……做聯絡工作使唔使咁多個人吖？同理（埋）安排隊醫有幾難吖？」