立法會議員蔣麗芸（Ann）早前乘搭郵輪變成落難者，仲同其他團友一齊喺甲板上高叫口號爭取賠償，結果被批評為「旅霸」。阿Ann尋日傳媒茶敍時講番事件嘅來龍去脈，本來並冇打算參加今次旅程，但由於立法會開會耐咗，搞到佢趕唔切搭飛機，所以退而求其次，先至上郵輪玩幾日，點知咁啱遇正事情發生，咪一心諗住留喺船上幫啲團友囉。話說阿Ann講述事件期間，佢嘅黨主席譚耀宗（譚sir）全程監場，莫非驚阿Ann講多錯多？
