法庭：稱被唱衰 鄉會主席庭上灑淚
【本報訊】沙田鄉事委員會主席莫錦貴民事控告排頭村村長藍戊發誹謗案昨於高院續審，原告莫錦貴繼續作供時，兩度聲淚俱下指，除了因被告藍戊發在排頭村一帶掛上如「旗海」般的誹謗橫額外，更周圍「唱衰」他，指他「收咗新鴻基地產嘅錢」，而且連他女兒亦詢問他收錢一事，故他才決定要控告藍以取回公道。
激動否認收「新地」錢
被告律師盤問莫時，指聲稱涉及誹謗的橫額在掛上個多小時後，即被莫發現報警及由警方收起，只有很少人見到。不過莫愈發激動並聲音顫抖回應稱：「佢（藍）仲周圍同人講我收咗新鴻基錢，直至一日連我個女都問我係唔係收咗新鴻基錢，我先決定告佢！」莫並向法官致歉指「我激動咗啲！」又以紙巾拭淚；其後莫再次解釋興訟原因時，再度灑下男兒淚。
另外，莫又透露二人「恩怨」，指十多年前他參加村代表選舉時，藍亦曾指摘他收了地產商金錢，他其後在藍面前致電廉政公署澄清此事，廉署亦曾向藍查詢。之後藍戊發作供時，則指其實早在九十年代港英政府時亦曾提出建橋一事，村民有向政府反映因影響風水而反對。
案件編號：HCA 1868/2010