橫巷僭建「層層疊」屋署袖手
「成舊嘢突咗出嚟，仲用鐵皮同鐵閘封住，係人都睇得出係僭建，但係唔知點解從來唔見政府有人做嘢！」李小姐為大埔居民，每日行經北盛街時均發現有大廈地舖於橫巷僭建，僭建物上方的平台亦有另一僭建，猶如「層層疊」，多年來從未見有部門執法。
屋宇署發言人證實，有關大廈的天井、地舖側及一字樓平台皆有若干僭建物，均屬需優先取締類別，並已被選定為大規模清拆樓宇天台、天井及後巷僭建物行動的目標樓宇之一。發言人又說，當局已向大廈所有需取締僭建物業主發出清拆令，要求拆除僭建物。
質疑日常疏於巡查
「政府成日話要打擊僭建，但呢度咁多年嚟都係咁僭建，真係唔明點解要等到有人投訴先做嘢！」李小姐質疑屋宇署日常疏於巡查，令大量僭建物至今仍可屹立不倒，要求當局認真處理。