店舖貨物阻街 多年冇改善
「條路又唔係闊，但間舖就日日都將啲貨放晒出嚟賣，好似條街係佢咁！」林小姐每日均會行經大埔北盛街，發現有店舖經常將貨物放於行人路上販賣，令行人路變得水洩不通，情況已持續多年仍未有改善，「好多人買餸時都會推架車仔，條路咁窄叫人點行，唔通要人行出馬路咩？」
促食署加強檢控
食環署發言人證實，派員巡查後發現行人路上有貨物，經警告後負責人已移走貨物，職員覆查時亦無再發現阻街情況。
「你啱啱警告完再去覆查梗係冇啦，但覆查冇唔代表之後冇嘛，情況根本都冇改善到！」林小姐直指問題至今仍無改善，質疑食環署巡查成效，要求該署嚴厲執法，必要時應檢控而非警告，以收阻嚇之效。