廢棄客貨車 霸路充當貨倉

大角咀中匯街及合群街交界平日交通繁忙,但陳先生發現行車路旁不准停車等候的影線位置常有廢棄客貨車停泊,「啲人成日喺架車度搬貨,好明顯就係當架廢車係貨倉咁用!」陳又指有關客貨車窗口已告毀爛,並無車牌及行車證,曾多次向警方投訴不果。

警接轉介巡查無發現

警方發言人表示,接獲本報轉介後曾派員巡查,雖未有發現有關廢棄客貨車,但隨即一連三日在該帶向違泊車輛發出共二十七張告票,行動翌日則發現一輛不宜在路面行駛的私家車停泊,車輛負責人已在警方監察下將車輛拖走。發言人強調,警方已口頭勸喻附近店舖,勿於路邊棄置車輛以免造成阻塞。

「警察呢頭捉完,過一、兩個禮拜又有啲又爛又殘嘅車放喺度畀人當貨倉用!」陳先生要求警方加強執法,以改善情況。

第一手消息請下載on.cc東網iPhone/iPad/Android/Windows Phone Apps