政情：「佔領電車」 區諾軒甜蜜求婚

區諾軒同我哋講，原來女友曾經講過鍾意搞個電車party，所以就順水推舟，為求婚籌備咗個多月，前日安排女友去「大學同學聚會」。Jolie上車後，佢一邊叫自己朋友同Jolie傾計，一邊就去電車上層準備，之後接女友上去，就由佢啲朋友逐一送花，最後嗰個當然就係由主角送啦。點解唔揀星期五情人節兼元宵求婚？區諾軒就話嗰日難book（預訂）電車，朋友時間都難夾，算係揀咗個最近嘅日子喇。

先訂婚　區選後擺酒

雖然前日求婚，但原來嚟緊佢哋只係訂婚先，因為準備結婚得嚟都要一年幾，加上下年區議會選舉，多數都要完咗選舉先結婚。而佢同Jolie係喺日本東京留學期間結緣，所以都有諗過返去度蜜月喎。