香港華人基督教聯會前日登廣告，狠批平等機會委員會主席周一嶽（周一鑊）去年出席「撐同志」遊行，唔夠客觀中立。平機會前晚已經代周一鑊出聲明反駁，周一鑊尋日再接受電台電話訪問，聲稱有好多教會朋友同牧師，事後都寫電郵同打電話畀佢，話唔支持聯會呢個宣言。佢仲學人搞黑色幽默，話要公開多謝呢個廣告，因為好多人都唔知佢幫緊性小眾喎。人哋登晒報紙鬧你都仲要講多謝，正一係唔鬧唔過癮，愈鬧就愈興奮，唔怪之得佢做食物及衞生局局長時，日日爆大鑊佢都仲笑得出啦！
<
