特首梁振英（CY）自上星期三起離港休假，下星期一先返香港，但官方未有透露佢嘅具體行程，有傳佢同太太唐青儀去咗英國探望子女，之後再到歐洲旅遊觀光。有內地網民尋日喺微博上載三張CY同太太嘅合照，地點標示為西班牙西部城市梅里達，網民仲留言話梁係「很潮的一叔叔啊！」相中兩人同樣笑容滿面，其中CY向拍攝者作拜年手勢，梁太亦有揮手示好，但就唔見仔女陪伴在側，未知係咪撇甩仔女度假享受「二人世界」呢？
（互聯網）
