攜氣球搭港鐵 職員無發現
農曆新年節日氣氛濃厚，不少市民會為小朋友購買玩具，金屬氣球更是小孩恩物之一。何小姐日前乘搭港鐵觀塘線前往調景嶺期間，甫進車廂便發現有乘客手持多個金屬氣球，「我見佢一條繩紮住幾個字母形狀嘅金屬氣球，雖然唔係好大個，但港鐵好似講過唔可以帶入閘，點解冇人阻止佢（入閘）？」
港鐵發言人指出，根據《港鐵附例》，乘客不可帶氣球進入港鐵範圍，以免有關物品飄向鐵路範圍的架空電纜，影響鐵路正常運作及列車服務安全暢順，而職員亦會留意是否有乘客攜帶金屬氣球進入付費區，並在必要時作出勸籲或警告。發言人補充，何小姐乘車當日，職員未有在相關車站發現有人帶氣球入閘，但已要求車站職員加強留意。
「唔單止市民要自律，港鐵都有責任做多啲工夫宣傳同教育！」何要求港鐵加派職員巡察車站及月台，以確保列車服務安全。